Фудбалерот од средниот ред Лазар Самарџиќ, кој сезонава игра во одлична форма во Удинезе, во иднина ќе го носи дресот на националниот тим на Србија. Самарџиќ е роден во Германија, и ги минал сите селекции на „елфот“, меѓутоа се одлучил сениорски да настапува за Србија.
Тоа го потврди и селекторот на Србија, Драган Стојковиќ кој истакна дека ќе му испрати повик на Самарџиќ, но дури по завршувањето на Мундијалот во Катар.
„Бев да го гледам, а претходно разговарав со него. Има желба да игра за Србија, и ние ќе го повикаме во март идната година да дебитира“, рече Стојковиќ.
Самарџиќ во минатото беше дел од екипите на Херта и Лајпциг пред да потпише за Удинезе, за кој сезонава постигна два гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
