Интернационалната ракометна федерација (ИХФ) ги прогласи најдобрите играчи во машка и во женска конкуренција за изминатата 2023 година.
Наградата за најдобар ракометар му припадна на данскиот репрезентативец и член на Фуксе Берлин, Матијас Гидсел. 25-годишниот ракометар минатата година ја освои ЕХФ Европската лига, а потоа на Супер Глоуб загуби во финалето од Магдебург.
Најдобра ракометарка е Хени Рејштад од националниот тим на Норвешка и на Есбјерг. Таа го освои сребрениот медал за Норвешка на минатото ЕП, а беше и втор најдобар стрелец на првенството со 52 гола.
Елиас Елефсен Скипаготу е прогласен за најдобар млад ракометар. Станува збор за репрезентативец на Фарските Острови кој игра за Кил. За најдобра млада ракометарка е прогласена Лена Грандво од Франција, членка на Нант.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
