Поранешниот фудбалер, а подоцна и менаџер на Манчестер Јунајтед, Рајан Гигс, истакна дека трајното заминување на Маркус Рашфорд од „Олд Трафорд“ е најдоброто решение за двете страни во моментов и покрај тоа што англискиот стрелец влезе во првиот тим на „црвените ѓаволи“ кога Велшанецот беше во клубот.
Има малку фудбалери во ерата по Фергусон кои се претставени како клупски проект на таков начин како што беше Рашфорд во средината на последната деценија.
На крајот на 2015 година, актуелниот голгетер на Астон Вила доби шанса во првиот тим под водство на менаџерот Луис ван Гал во периодот кога Гигс му беше помошник на трофејниот холандски стручњак.
Без разлика што има убави спомени од Рашфорд, Гигс истакна дека Англичанецот нема иднина во Јунајтед.
„Мислам дека не изгледа среќен во Јунајтед, но ми се чини дека е позадоволен во Астон Вила. За Маркус и Јунајтед најдобро би било да ја прекинат соработката. Тој ќе биде извонреден играч, но не и во Јунајтед “, рече Гигс брутално искрено, гостувајќи во подкаст со поранешниот соиграч Рио Фердинанд.
Откако поделбата на линијата меѓу Рашфорд и менаџерот Рубен Аморим достигна сериозни размери, Гигс му даде глас на Португалецот.
„Ми се допаѓа Аморим како менаџер. Харизматичен е, му треба време и неколку преодни рокови, како и поддршка за да истрае до крајот. Од друга страна, важно е да има јасна визија за тоа што е играч на Јунајтед и кого треба да претставува”, изјави Гигс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
