Екипата на Партизан ќе остане без планирано засилување, а причината е малку бизарна. Новиот играч кој го сака во своите редови има симпатии кон ривалот Црвена Звезда, па затоа нема да го направи овој трансфер и да заигра за еден од двата големи клуба во Србија.
Станува збор за Лазар Росиќ, кој игра во Мореиренсе во Португалија, а интересно, во минатото никогаш не го носел дресот на Црвена Звезда, туку играл за Раднички Ниш и Раднички Крагујевац.
„Тоа нема никогаш да се случи, јас навивам за Звезда“, рекол Росиќ.
Ова не е првпат играч да одбие трансфер во некој од двата српски клуба поради тоа што има симпатии кон ривалот, но постоеја и такви кои играа и за двата клуба, а познато е дека навивачите многу замеруваат кога ќе се случи такво нешто.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
