Традиционално шпанскиот Суперкуп се игра во Саудиска Арабија, а финалето утре ќе го играат Реал Мадрид и Барселона. Овогодинешното прво Ел Класико привлекува големо внимание кај навивачите, но и кај фудбалерите кои се во Саудиска Арабија.
Карим Бензема, легендарниот напаѓач на Реал Мадрид моментално настапува за Ал-Итихад и ги посети своите поранешни соиграчи. Карим Бензема пред натпреварот против Мајорка ги посети фудбалерите на Реал Мадрид во соблекувалната и разговараше со нив.
По средбата со нив, тој даде интервју за Марка во кое одговори на многу интересно прашање. Новинарите на споменатиот медиум се интересираа дали тој ќе се врати во Реал Мадрид со кој испиша историја.
„Да, секако, зошто да не? Моментално сум во Џеда, се чувствувам добро, но времето ќе одлучи како ќе се одвива животот и сигурен сум дека повторно ќе бидам блиску до Мадрид“, изјави Бензема.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
