Аргентинскиот навивач Дон Хернан се прослави откако една телевизија објави ТВ-сторија за него како човек кој ги запишува сите голови во кариерата што ги постигнува Лионел Меси.
Тој во специјален нотес ги бележи головите, начинот на нивно постигнување, противничката екипа и голманот што ги примил. Дон Хернан пред неколку дена го прослави својот стоти роденден, а најубавата честитка ја доби откако на телефонот на неговиот внук пристигна видео-повик – од Лео Меси лично.
„Му ја покажав пораката и не можеше да верува, Меси лично му го честиташе роденденот“, прокоментира неговиот внук.
„Здраво Хернан. Приказната за тебе стигна до мене и прекрасно е што ги следиш головите што ги постигнувам на таков начин. Сакам да ти испратам голема прегратка, да ти се заблагодарам за тоа што го правиш, што ме следиш и ми посакуваш се најдобро. Се гледаме наскоро“, му порача Меси на пресреќниот дедо.
El abuelito se llama Hernán, tiene 100 años y cada vez que Messi hace un gol, lo anota en un cuaderno. Lionel se enteró y después de salir campeón de la Copa América, le mandó un saludo, a través de un video.
Agarren pañuelos. pic.twitter.com/t7EXeDAXeE
— Ataque Futbolero (@AtaqueFutbolero) July 14, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
