Организаторите на Ролан Гарос изненадија со одлуката – последниот меч од утрешната програма на францускиот гранслем турнир да му го доделат на Новак Ѓоковиќ, кој во вечерниот термин ќе игра против австралискиот квалификант Филип Мисолиќ.
Проблемот е во тоа што утревечер во 21 часот ќе се игра големото финале во ЛШ меѓу Интер и ПСЖ, а Ѓоковиќ иако голем фудбалски фан, не може да го следи во живо овој спектакл.
За ситуацијата да биде уште потешка за Србинот, арената каде тој ќе игра е нецел километар оддалечена од „Паркот на принцовите“, стадионот на ПСЖ каде за утревечер е организирано заедничко гледање на финалето за над 50.000 фудбалски фанови на „светците“.
Во ситуација кога организаторите имаа избор, јасно е дека српската тениска легенда не заслужи ваков третман од Французите…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
