Српскиот тенисер Новак Ѓоковиќ проговори за успехот и иднината на Јаник Синер. Минатата сезона Синер освои две гранд-слем титули, а годината ја заврши на првата позиција на АТП листата.
Ѓоковиќ во интервју за „Газета дело Спорт“ се обиде да му даде совет на Италијанецот.
„Мислам дека му оди добро без моите совети. Сепак, една работа е да ги освоиш твоите први два гранд-слема и да станеш светски рекет број еден, а друга работа е да останеш на тоа ниво многу години. За да го направиш тоа, прво треба да опкружиш себе си со компетентен тим на кој можеш да му веруваш. Исто така, треба да го направиш вистинскиот баланс помеѓу професионалниот и личниот живот“, рече Ѓоковиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
