Коментаторката на „Еуроспорт“ Лаура Робсон истакнува дека Новак Ѓоковиќ воопшто не е загрижен за раната елиминација на турнирот во Доха.
Ѓоковиќ беше елиминиран уште во првото коло од Матео Беретини, а тоа беше прв меч за Новак по повредата на мускулот на Австралија Опен.
„Мислам дека не е премногу загрижен за поразот во Доха и тоа е добра работа. Мислам дека неговите цели се многу поголеми од трофеј на мал турнир на Блискиот Исток“ – вели Лаура Робсон, поранешна јуниорска шампионка на Вимблдон, и дополнува:
„Во овој момент фактот што можеше и сакаше да се натпреварува повторно толку брзо по повредата на Австралија опен е позитивен. Тој сака да го освои тој 25-ти грандслем, и ништо друго не му е важно. И мислам дека ќе успее. Не му беше лесно да му го предаде мечот на Александар Зверев во Австралија по толку добра игра и елиминацијата на Карлос Алкараз. Затоа е одличен фактот што тој толку брзо се врати на теренот“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
