Новак Ѓоковиќ требаше да присуствува на збогувањето на Рафаел Надал, но поразот на Шпанија во четвртфиналето на Дејвис купот ги изненади сите, па и самите организатори.
Долго време потоа се зборуваше дека збогувањето е недостојно за кариерата на еден од најголемите тенисери на сите времиња, а дека можело подобро се согласува и Ѓоковиќ.
„Не знам точно како планираа да ја направат церемонијата, но знам дека тоа беше план по полуфиналето, доколку Шпанија стигне до него. Мареј и јас планиравме да бидеме таму. Поради распоредот не можевме да се организираме за четвртфиналето, но планиравме да стигнеме за полуфиналето. Па, испадна така, за жал, и што да се прави. Ја видов снимката… Не знам, не знам дали Рафа сакаше да не се направи ништо преголемо, бидејќи не сакаше да им прави проблеми на другите репрезентации и натпревари. Искрено не знам, јас сум виновен што не бев таму“, изјави Ѓоковиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
