Новак Ѓоковиќ го победи Нори со 3-1 во третото коло на УС Опен и се пласираше во осминафиналето. Со ова, тој ја забележа својата 192-ра победа на Грендслем турнирите на тврди подлоги, станувајќи рекордер откако го престигна Роџер Федерер.
На прес-конференцијата по победата Ѓокович зборуваше на повеќе теме, а прво прашање беше за бројот на недели на врвот на АТП ранг-листата, бидејќи на Синер не му беше одземена ниту една недела кога беше ретроактивно суспендиран поради санкции за допинг.
„Засега сум во ред со тоа, можеби некогаш ќе разговараме за тоа. Искрено, заборавив на тоа! Цела кариера го бркам и го бранам првото место, таму сум подолго од кој било друг, па, барем во овој момент, не ми е важно дали е една недела повеќе или помалку. Можеби тоа ќе се промени…“ – ја започна прес-конференцијата Ѓоковиќ, веднаш дополнувајќи околу мечот со Нори:
„Се чувствувам подобро во врска со тоа како играм. Играв добро, особено во третиот и четвртиот сет, подобро ги чувствував ударите. Бев пријатно изненаден од нивото на Нори, не очекував да игра толку агресивно, да биде толку блиску до основната линија. Му честитам за неговата игра, особено во вториот сет и почетокот на третиот, но мислам дека одиграв најдобро кога беше најпотребно. Веројатно најдобриот сервис натпревар за мене. Натпревари како овој ми даваат надеж дека можам да играм против најдобрите во светот. Што се однесува до тоа како се чувствувам, оди се подобро. Фрустрирачкото за мене е што не се чувствувам 100% цело време, како што се чувствувам веќе 20+ години. Но, ситуацијата е поинаква и морам да се навикнам на фактот дека нешто може да ми се случи на секој натпревар, што е случај практично цела година на грендслем турнирите. Веројатно ќе го прескокнам тренингот сега и ќе се фокусирам на закрепнувањето бидејќи тоа ми е приоритет во моментов. Ја чувствувам топката добро, задоволен сум од нивото на игра и со тоа колку потрошив на теренот и сега морам да се грижам за моето тело“.
Околу повредата на грбот….
„Нешто се случи во првиот сет, 5-3 и 30-0 и се случи интересен момент, отидов до мрежата, отидов на едната страна и направив брза реакција и почувствував болка во грбот. Му реков на Камерон на мрежата да не мисли дека го направив тоа намерно за да го вознемирам, тоа не беше моја намера. Се чувствував подобро по лековите и третманот, но ќе видиме како ќе биде до утре. Имав среќа што не ме вознемири целиот натпревар, траеше неколку гема и потоа беше во ред“.
Што прави кога неговото тело не се чувствува како што треба?
„Ни јас не знам… Ако некој беше отворен да проба нови работи околу спортска медицина, без разлика дали станува збор за нови третмани или машини, тоа бев јас! Јас би бил првиот што ќе проба сè. Не само што сакам да ја продолжам кариерата и да бидам на ова ниво што е можно повеќе, туку ја сакам и благосостојбата – тоа е една од моите најголеми страсти во животот. Работам многу на превенција. Не мислам дека можам да направам многу повеќе од она што го правам сега. Ако моето тело не ме слуша кога ќе навлезам подлабоко во грендслем турнирите, тогаш тоа е тешко за мене да го голтнам, бидејќи знам колку се грижам за моето тело, но во исто време, возраста не е нешто што можете да контролирате. Свесен сум за тоа, но сè уште се обидувам да се натпреварувам со децата на највисоко ниво.“
По Вимблдон зборуваше отворено за иднината. Како се чувствува сега?
„Мислам дека бев доста отворен тогаш по полуфиналето, кажав што ми беше на ум тогаш. Си поставувам прашања, сега повеќе отколку порано, за тоа колку сакам да играм на ова ниво и колку навистина сакам да ја продолжам кариерата. Навистина сакам да играм повеќе и знам дека понекогаш сум многу строг со мојот тим, но знам дека сè уште можам да играм на највисоко ниво. Се додека чувствувам дека можам да играм на највисоко ниво, сакам да се обидам да го направам тоа и да видам дали имам шанси на грендслем турнирите и другите турнири. Исто така, уживам во љубовта и поддршката што ја добивам каде и да се појавам! Имам и други мотивации да продолжам да играм, но се обидувам да бидам фокусиран на моментот и она што се случува сега“, рече Новак Ѓоковиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
