Новак Ѓоковиќ се квалификуваше во финалето на Австралија Опен откако го победи бранителот на титулата Јаник синер во пет сета. По малку повеќе од четири часа игра, Ѓоковиќ славеше во феноменален меч, па во финалето ќе игра со Карлос Алкараз кој претходно го победи Александар Зверев во пет сета.
Ѓоковиќ ќе го игра финалето на Австралија Опен, неговиот најуспешен Грендслем, по 11-ти пат во кариерата. Српската ѕвезда никогаш не загубила во финалето на овој турнир, а сега ќе се обиде да освои нова титула против Алкараз, тенисерот број еден во светот. Доколку го освои АО, тоа ќе биде негов 25-ти Грендслем, зголемувајќи ја неговата предност пред пензионираните ривали Рафаел Надал со 22 титули и Роџер Федерер со 20 титули.
Ѓоковиќ напиша: Дали рековте нешто?
Ѓоковиќ традиционално остави порака на камерата по натпреварот. Тој напиша „Дали рековте нешто?“.
Се шпекулираше дека одговорил на сомнежите за својата возраст во однос на помладите ривали кои штотуку се приближуваат кон врвот на својата кариера, а подоцна и го потврди ова во разговор со српските новинари:
„За нив… Вие го прочитавте… Да, за нив. Што вели мојот татко: За сите оние експерти кои знаат подобро. За нив – тие ќе се препознаат.“
Novak Djokovic wrote “Нешто сте рекли” on the camera lens after defeating Jannik Sinner in the Australian Open.
That phrase translates to: “Did you say something?” pic.twitter.com/RhEcViAEqa
— The Sporting News (@sportingnews) January 30, 2026
Да се потсетиме дека на прес-конференцијата пред полуфиналето, го вознемири фактот што еден новинар, поставувајќи прашање, му рече на Ѓоковиќ дека неговата кариера е одбележана со постојано „бркање“ на достигнувањата на Федерер и Надал, и дека тој „сега ги брка Синнер и Алкараз“.
Ѓоковиќ му одговори на тоа…
„Ми се чини дека не покажуваш почит со тоа што дури и не го споменуваш времето кога доминирав на Грендслем турнирите. Не ги бркам јас резултатите на Карлос и Јаник. Такво нешто не може да има. Моите најголеми ривали се Рафа и Роџер. Јас ја пишувам мојата приказна, мојата историја. Почитувам сè што прават Синер и Алкараз и сè што ќе направат. Тоа е природен циклус во спортот. Дали се подобри од мене? Тие се, тие се на феноменално ниво. Но, тоа не значи дека излегувам на теренот со бело знаме. Сакам да одам во финалето на секој турнир, особено на Грендслем турнирите. Тие се една од најголемите причини зошто сè уште играм“ – му рече Новак.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
