Во интервју за „Кориере дела Сера“, Новак Ѓоковиќ повторно проговори за својот однос со еден од своите најголеми ривали, Рафаел Надал.
„Никогаш не бевме пријатели. Рафа е само една година постар, двајцата сме близнаци во хороскоп, двапати бевме на вечера заедно, но пријателството со него е невозможно. Отсекогаш многу го почитував и му се восхитував. Невозможно е да се биде пријател меѓу ривали, но никогаш не сме биле непријатели. Благодарение на него и Федерер, станав ваков“, вели Ѓоковиќ.
Тој откри и што најмногу почитува кај Шпанецот:
„Има многу работи што ме инспирираат во неговата кариера. Најмногу од сè, упорноста, посветеноста, борбениот дух. Неговиот менталитет на шампион кој никогаш не се откажува и секогаш, колку и да е тешко, наоѓа начин да победи“, заврши Ѓоковиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
