Српскиот тенисер Новак Ѓоковиќ е во полуфиналето на вториот Грен слем годинава Ролан Гарос, откако вечерва после повеќе од три часа игра, го совлада Александар Зверев со 3-1.
Ѓоковиќ лошо го почна мечот, го загуби првиот сет со 6-4. И кога се чинеше дека Зверев има контрола, Србинот се врати и израмни на 1-1 откако го доби сетот со 6-3. Третиот сет го доби со 6-2, а четвртиот со 6-4.
Зверев успеа во финишот и да го намачи српскиот тенисер, и спаси четири меч топки, а Ѓоковиќ ја искористи петтата за да слави конечен триумф.
Дуелот го одбележа и маратонски поен со дури 41 удари меѓу двајцата тенисери, како и скандирања од публиката поради кои беа оддалечени двајца гледачи, меѓу кои и една жена.
Ѓоковиќ ќе игра во полуфиналето со Јаник Синер, кој претходно го „збриша“ Бублик со 3-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
