Најдобриот тенисер на сите времиња, Новак Ѓоковиќ се пласираше во ново полуфинале на Австралија опен откако денеска во крајно интересен натпревар славеше над Американецот, Тејлор Фриц со 3-1, по сетови 7-6, 4-, 6-2 и 6-3.
Првиот сет донесе голема борба на двете страни. Ѓоковиќ во текот на целиот се беше подобар противник, но откако не успеа да искористи дури осум брејк топки, при негатива од 5-6 мораше да се извлекува спасувајќи две сет топки. Откако успеа да се извлече и да го одведе мечот во тај-брејк таму без проблеми славеше со 7-3 за водство од 1-0.
Вториот сет продолжи во сличен ритам. Американецот прв стигна до брејк, а откако Ѓоковиќ не искористи нови седум брејк топки, Фриц израмни на 1-1 (4-6). Во третиот сет Ѓоковиќ конечно успеа да освои гејм на противникот искористувајќи ја дури 16 брејк топка, па на крајот со двоен брејк стигна до 6-2 и водство од 2-1 во сетови.
Во последниот сет Ѓоковиќ прв стигна до брејк, по што веднаш следеше одговор на Фриц, но со својот втор брејк во овој сет Србинот ги реши сите дилеми околу победникот 6-3.
Во полуфиналето Ѓоковиќ го очекува подобриот од дуелот меѓу Јаник Синер и Андреј Рубљов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
