Српскиот тенисер Новак Ѓоковиќ не успеа да влезе во елитниот круг на тенисери со 100 освоени трофеи откако претрпе пораз од страна на младиот 19-годишен чешки тенисер Јакуб Меншиќ во финалето во Мајами.
Ѓоковиќ не го криеше незадоволството од поразот, но му честита на младиот противник, а притоа и се нашали со него.
„Не сакам да говорам многу, но некои работи морам да ги кажам. Ова е момент на Јакуб, неверојатен турнир, прв од многуте. Морам да признаам, во моментот си подобар, неверојатен отпор и ментално остана добар во тешките моменти. За младите играчи тоа е многу важно. Ти посакувам се најдобро. Можеби ќе ме пуштиш да победам следниот пат, ти имаш повеќе време и години пред себе“, изјави Ѓоковиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
