Српскиот тенисер Новак Ѓоковиќ на одличен начин го стартуваше своето учество на гранслем турнирот Австралија Опен, на кој ја брани титулата освоена лани. Популарниот Ноле со 3-0 во сетови го совлада Шпанецот Фернандо Вердаско и се пласира во третото коло.
Првиот сет Ѓоковиќ го освои фуриозно со 6-1, а Вердаско многу посилен отпор даде во вториот сет. Но, сепак, Србинот успеа да го освои во тај – брејк (7-4) и се чини дека тука дефинитивно го скрши отпорот на шпанскиот тенисер. Третиот сет го доби со 6-2 во гемови и го комплетираше стартниот триумф во Мелбурн.
Серена Вилијамс исто така имаше успешен старт на турнирот. Таа ја совлада Белинда Бенчиќ од Швајцарија со 2-0 во сетови (6-4, 6-3). Каролине Вознијацки беше убедлива во дуелот со Австралијката Арина Родионова и славеше со 6-1, 6-2.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
