Голден Арт доживеа пораз од грчки Олимпијакос, а Бутел од Татран Прешов во денешните натпревари на второто издание од Интернационалниот ракометен турнир „Крсте Андоновски – Усташ“ во Охрид.
Голден Арт успешно парираше на Олимпијакос во текот на целиот натпревар, но не успеа да стигне до победата. Македонскиот тим на крај загуби со 26-28 од Олимпијакос кој во финалето на турнирот против Еурофарм Пелистер ќе се бори за златото.
Татран Прешов, пак, очекувано победи со 32-25 против Бутел кој играше сосема израмнето полувреме (16-16) но потоа во вториот дел потклекна.
Татран Прешов ќе го чека резултатот од натпреварот меѓу Металопластика и Еурофарм Пелистер за потврда на второто место во групата, зад Еурофарм Пелистер, и борба за бронзата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
