За НБА франшизата Голден Стејт Вориорс ова лето донесе крај на една ера откако по 13 години поминати во тимот фантастичниот бек шутер Клеј Томпсон ги промени клупските бои и кариерата ќе ја продолжи во Далас каде ќе има шанса да стигне до трофеј заедно со Лука Дончиќ.
Заминувањето на Томпсон од Голден Стејт ќе биде одбележано и од тимот кој ја одбележа претходната деценија во НБА лигата. Како што објави самиот клуб, бројот 11 кој го носеше Томпсон на грбот ќе биде повлечен од употреба.
The Warriors plan to retire Klay Thompson’s jersey 👏 pic.twitter.com/ClHC6qz3hd
— ESPN (@espn) July 2, 2024
Клеј Томпсон беше еден од најзначајните кошаркари во историјата на Голден Стејт со која освои четири шампионски титули, настапи во шест финални серии и пет пати беше одбран на Ол-старот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
