Дидие Дрогба ја дава неговата болница во Брегот на Слонова Коска за да и помогне на земјата во борбата со коронавирусот. Болницата која се наоѓа во градот Абиџан би требало да биде центар за третман на заболените од COVID-19. Во Африка државите досега успеваа да ја менаџираат кризата, но очекувањата се дека во следниот период вирусот ќе се шири рапидно.
Потегот на Дрогба во неговата земја е оценет како „патриотски чин“ особено во овој период кога на државата и се заканува голем скок во бројот на заболени. Првиот случај на коронавирус во Брегот на Слонова коска е регистриран на 1. март, досега има вкупно 574 заболени и пет починати.
Болницата во Абиџан е дел од „Дрогба фондацијата“ основана за да помага на здравствените и на образовните системи во африканските земји.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
