Јусуф Нуркиќ дефинитивно е еден од најмалерозните кошаркари во НБА-лигата откако босанскиот центар синоќа заработи нова тешка повреда.
Нуркиќ, кој минатото лето се врати по тешката фрактура на ногата, овојпат заработи скршеница на зглобот на раката, и тоа при една навидум сосема вообичаена акција. Малколм Бродгдон тргна на положување, а Нуркиќ се обиде да му ја избие топката од раце. Центарот на Портланд веднаш почувствува дека нешто не е во ред и се упати кон соблекувалната, а деталните прегледи само потврдија дека станува збор за сериозна повреда.
Се очекува врз Нуркиќ да биде извршен хируршки зафат, по што ќе биде познато и колку ќе изнесува неговата пауза од кошаркарските терени.
The play where Jusuf Nurkic broke his wrist ?
(via @NBCSNorthwest)pic.twitter.com/xwwI5BhfbP
— Dime (@DimeUPROXX) January 15, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
