Веста дека Расел Вестбрук е позитивен на Ковид-19 одекна пред неколку денови изненадувачки за кошаркарскиот свет. А сега е регистриран уште еден случај на вирусот во таборот на Хјустон рокетс.
Хјустон би можел да има големи проблеми во продолжението од НБА сезоната, откако е утврдено дека и нивниот најдобар играч Џејмс Харден е позитивен на коронавирусот.
И додека Вестбрук, претходно, се огласи преку социјалните мрежи, Харден засега не се огласува. Харден не е со екипата во Орландо, а ќе се приклучи кога ќе биде подготвен.
Интересно, во последната рунда тестови кај Хјустон од вкупно 322 направени тестови само два се позитивни и тоа на нивните две најголеми ѕвезди. Поради тоа веќе се активни шпекулациите во американските медиуми дека биле на заедничка прослава од каде го донеле коронавирусот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
