Фудбалерот на Бетис, Иско, ја скрши фибулата на левата нога, објави шпанскиот клуб.
Иско се повреди на пријателски натпревар против Малага, а Бетис изјави дека шпанскиот играч од средниот ред „ќе биде подложен на конзервативен третман во наредните недели“ и дека „неговото враќање ќе зависи од напредокот на повредата“. Сепак, шпанските медиуми објавија дека Иско ќе отсуствува од теренот околу три месеци.
„Ова е нова трауматска повреда која не е поврзана со претходна повреда која е санирана“, додаде Бетис во соопштението.
Иско (33) беше прогласен за најдобар играч на Конференциската лига минатата сезона, во која со Бетис стигна до финалето, а беше избран и во идеалниот тим на шпанската Ла Лига.
Пред да дојде во Бетис, играше за Севилја, Реал Мадрид, Малага и Валенсија, додека за шпанската репрезентација одигра вкупно 39 натпревари и постигна 12 гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
