Оваа репрезентативна пауза му создаде огромни проблеми на Симоне Инзаги, откако Алесандро Бастони заработи незгодна повреда на вчерашниот тренинг на италијанскиот национален тим.
Одличниот дефанзивец веднаш замина на детални прегледи, а резултатите донесоа главоболка за Инзаги. Станува збор за истегнување на мускул на ногата, а препорачаната пауза изнесува најмалку три седмици. Ова практично значи дека Бастони нема да биде во комбинација за Интер на следните две средби, кои воедно се и големи „дерби дуели“ за „нероаѕурите“ ако се знае дека веднаш по репрезентативната пауза му гостуваат на Јувентус, а потоа на 3 декември ќе му бидат гости и на шампионот Наполи.
Проблемот е уште поголем ако се знае дека во Интер повреден е и Павар, па опциите за одбранбената линија на „нероаѕурите“ на овие дуели се крајно лимитирани.
Интер моментно е лидер на табелата во Калчо-лигата со 31 освоен бод, пред Јувентус со 29, Милан со 23 и Наполи со 21 бод.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА