Една од најголемите ѕвезди на Реал Мадрид и бразилската репрезентација Винициус Жуниор се најде во центарот на сериозната истрага што ја покрена ФИФА, а епилогот може да биде суспензија од две години.
Етичкиот комитет на ФИФА ја разгледува апликацијата поднесена на 7. април од бразилската компанија „Tiberis Holding do Brasi“l. Се тврди дека Винициус, преку компанија поврзана со неговиот татко и агент Тасило Соареш, има директни или индиректни удели во професионални фудбалски клубови, што може да претставува конфликт на интереси.
Конкретно, спорна е врската со Атлетик Клуб од Сао Жоао дел Реи те Алерко, клуб од португалската втора лига. Тиберис тврди дека им било ускратено правото на прва понуда при продажбата на нивните акции во бразилскиот Атлетик и дека биле продадени на ентитет поврзан со Винициус.
Компанијата во сопственост на таткото и агентот на Винициус станува се поактивна во фудбалскиот бизнис, а контроверзната продажба на акции предизвика реакција кај Тиберис кој сега бара санкции за едно од најпрепознатливите лица на светскиот фудбал.
Се уште не се знае кога ФИФА ќе донесе одлука, но потврдено е дека истрагата е во тек.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
