Милан е на добар пат квалитетно да ја засили навалната линија откако „росонерите“ постигнаа начелен договор за ангажман на Оливие Жиру. Францускиот голгетер би пристигнал без никаква отштета и би атакувал на место во стартните единаестмина, рамо до рамо со Златан Ибрахимовиќ.
Жиру секогаш максимално ја користи минутажата, но во последно време тој премногу ретко добиваше шанса да блесне во дресот на Челси. Повеќе од јасно е дека Томас Тухел не смета сериозно на искусниот голгетер, Челси згора на тоа бара и нов напаѓач, што е јасна порака за Жиру да си замине од „Стемфорд бриџ“.
Интерес за овој фудбалер покажаа бројни клубови ширум Европа, но според италијанските медиуми Милан е тимот што излегол како победник од оваа трка. Начелно е договорена двогодишна соработка за плата од четири милиони евра по сезона, а се очекува договорот да биде потпишан во текот на следната седмица, пред Жиру да замине на подготовките со француската репрезентација за ЕВРО 2020.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
