Голманот на ПСЖ, Серхио Рико се наоѓа во тешка состојба откако бил пренесен во болница во Севилја со повреда на главата по пад од коњ. Информацијата ја потврдија и од таборот на францускиот првак, за кој Рико не настапи на вчерашниот меч со Стразбур откако доби слободен викенд од тренерот Галтие.
29-Годишниот Шпанец јавал коњ во реонот Ел Рочо во близина на Хуелва, по што лошо паднал на глава и веднаш загубил свест. Тој со хеликоптер бил пренесен во клиниката во Севилја, каде е сместен во одделението за интензивна нега и се уште се наоѓа во животна опасност.
„Состојбата на Серхио Рико е сериозна, тоа е се што можеме да кажеме во моментов“, објави споускменот на ПСЖ.
Рико е член на ПСЖ од 2019 година, кога потпиша од редовите на ПСЖ. Тој никогаш не се наметна како стандарден првотимец во таборот на „светците“ и во овој период собра вкупно 29 настапи на голот на актуелниот првак на Франција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
