Иако има уште пет месеци до следното Ел Класико во Ла Лига , кое ќе се игра на „Камп Ноу“, Барселона веќе стави во продажба ВИП билети на својата веб-страница. Преостанатите билети сè уште не се достапни за купување. Натпреварот помеѓу Барса и Мадрид, кој би можел да се покаже како одлучувачки за титулата бидејќи е дел од 35-тото коло, сè уште нема официјален датум, но ќе се одржи во сабота, 9 мај или недела 10 мај.
Клубот ја објави цената за овие ВИП билети во износ 4.000 евра. Нивните сопственици ќе добијат „удобни седишта блиску до играчите и клупата, со пристап до ексклузивна ВИП соба и првокласен кетеринг пред и по натпреварот“.
Таксата за обработка, што одговара на високата цена на билетите, е 60 евра по влезница. Сè уште не е јасно каков ќе биде капацитетот на „Спотифај Камп Ноу“ во мај. Исто така, не е исклучено дека ќе има уште едно „Ел Класико“ на стадионот на „блауграните“ пред тоа, во зависност од настапот на Барса и Реал Мадрид во Лигата на шампионите и во Купот на Шпанија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
