Најдобрата македонска тенисерка Лина Ѓорческа оствари победа во првото коло на W75 ИТФ турнирот во Загреб откако ја совлада Ралука Георгина Шербан од Кипар со 2-1 во сетови (64 36 64) за 2 часа и 52 минути. Ова за нашата тенисерка е трета победа во низа откако претходно успешно со две победи ги мина и квалификациите.
Во првиот сет се водеше изедначена борба,а притоа Лина постојано беше во предност по 2:2 во сетови, Ѓорческа поведе со 4:2, а ривалката изедначи и сетот македонската тенисерка го заврши со 6:4. Во вториот сет на стартот противничката направи брејк за 1:0 и со вториот брејк сетот го заврши со 6:3 во гемови.
Во решавачкиот сет Ѓорческа водеше со 2:0 во гемови, а потоа и со 5:2, па така првите две меч топки ги пропушти во осмиот гем од сетот. И во деветиот гем не искористи меч топка, но затоа во 10.гем на свој сервис одигра одлично и на противничката не и дозволи ниту еден поен.
Во следното второ коло Ѓорческа ќе игра против осмата носителка Селена Јаничијевиќ од Фрaнција (22 години, 228.место ВТА листа), која денеска ја победи Габриела Ли од Романија со 2-0 во сетови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
