Најдобрата македонска тенисерка Лина Ѓорческа загуби во првото квалификациско коло на УС Опен од Јулија Риера од Аргентина со 2-0 во сетови 7-6(4) и 6-3.
Лина одлично го почна мечот со извонредна шанса да го освои првиот сет. Имаше предност од 3-0, беше и 4-1 за македонската тенисерка, но потоа следуваше пад во играта. Риера направи серија од 5-1 и поведе со 6-5. Следниот гем го доби Ѓорческа, по што сетот се решаваше во тајбрејк. Во тајбрејкот Аргентинката беше подобра со 7-4.
Во вториот сет беше нерешено со до 3-3, но во осмиот гем Риера направи брејк по што го приведе мечот кон победа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
