Македонската тенисерка Лина Ѓорческа успеа да се пласира во четвртфиналето на ИТФ турнирот W75 Рим. Нејзината противничка Кристина Дину од Романија го предаде мечот при водство на Ѓорческа од 1-0 во сетови и 2:0 во гемови во вториот сет.
Ова беше седми меѓусебен дуел на овие две тенисери, а Ѓорческа сега има предност од 5:2 во добиени меча и притоа има серија од пет победи.
Мечот траеше 48 минути, а Ѓорческа имаше целосна контрола при што успеа да спаси и шест брејк топки, а имаше и четири брејка од пет прилики.
Утре во четвртфиналето Ѓорческа ќе игра со Варвара Лепченко (САД, 4 носителка), која славеше со 2-0 во сетови во дуелот со швајцарската квалификантка Сузан Бандекин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
