Македонската одбојкарска репрезентација направи историски успех со пласман во осминафиналето на Европскто првенство кое се одржува и во нашиот главен град. Македонските одбојкари одиграа фантастични два натпревари по кои забележаа две големи победи.
По натпреварот против Црна Гора првите импресии ги изрази капитенот Никола Ѓорѓиев кој вели дека е горд на своите соиграчи кои уште еднаш го оставија срцето на терен, покажаа дух и менталитет и дадоа се од себе за триумф.
„Оваа победа многу значи. Имаме шест бода и одиме во осминафиналето што е прв пат во нашата историја. Горд сум на овие момци. Повторно покажаа срце, дух, менталитет, македонски менталитет дека никогаш не се откажуваме, дека секогаш даваме сто отсто и под притисок и сега може да уживавме во моментот“, вели Ѓорѓиев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
