Силекс, Шкендија и Гостивар се лидери на првенствената табела по 16. коло во Првата македонска фудбалска лига, по денешните убедливи победи над Воска спорт, Шкупи односно Вардар.
Гостивар му го нанесе првиот пораз на Гоце Седлоски по неговото враќање на клупата на Вардар, триумфирајќи со 0-2 на арената „Тодор Проески“ во Скопје.
Гостите до предност дојдоа со „бомбата“ на Диата во 63. минута. Диата од 20 метри испрати вистинска „бомба“ која заврши од гредата за гол-линијата од голот на Гачевски, за предност на лидерот на арената „Тодор Проески“…
Во 87.минута и Ивановски погоди од непосредна близина за конечни 0-2.
Шкендија триумфираше со 2-0 против Шкупи на дуелот во Тетово.
Тетовци експресно дојдоа до предност со голот на Аденис Шаља во 3. минута, кој убаво се снајде пред голот на гостите по одбиената топка по шутот на Бесарт Ибраими.
Во второто полувреме, и самиот Бесарт Ибраими погоди во 62. минута за конечни 0-2.
Работнички славеше со 0-2 против Тиквеш во Кавадарци со два гола постигнати уште во првото полувреме. Одлична акција на „романтичарите“ во 6. минута која со гол ја круниса Мазари.
Во 37. минута извонредниот Адхе Мазари, кој игра во одлична форма, со ефектен гол со шут од 20 метри носи и 0-2 за Работнички.
Струга ТЛ триумфираше со 1-0 во дуелот со Пелистер од 1-0. Стрелец на голот за победа на шампионот беше Кехинде кој на ефектен начин со волеј удар од 7-8 метри стрела во мрежата на битолчани.
И Силекс продолжува да „гази“ во шампионатот победувајќи со 4-1 против Воска Спорт.
Кратовци дојдоа до водство против Воска Спорт со 1-0, со голот во 24. минута. И повторно стрелец Дарко Додев, кој беше стрелец на двата гола за кратовци и во претходната победа од 2-0 против Шкупи во Чаир пред три дена.
Но, Силекс игра и со фудбалер помалку откако во 33. минута Џеков доби црвен картон.
Сепак, во второто полувреме одлична игра на кратовци за победа од 4-1. Најпрво Игнатов во 66. минута донесе водство од 0-2.
Откако гостите намалија на 1-2 со голот на Ларсон, потоа следеше гол на Алиќ во 67. минута и евро-гол на Донев во 79. минута за конечни 4-1.
АП Брера победи со 0-1 на гостувањето против Беса во Гостивар.
Одлична акција во два потези на струмичани во 61. минута, која мајсторски ја круниса Мато носејќи триумф за својот тим.
ПРВА ЛИГА – 16. КОЛО
Тетово: ШКЕНДИЈА – ШКУПИ 2-0
Шаља 3′, Ибраими 62′
Скопје: ВАРДАР – ГОСТИВАР 0-2
Диата 63′, Ивановски 87′
Кавадарци: ТИКВЕШ – РАБОТНИЧКИ 0-2
Мазари 6′, 37′
Гостивар: БЕСА – АП БРЕРА 0-1
Мато 61′
Струга: СТРУГА ТЛ – ПЕЛИСТЕР 1-0
Кехинде 17′
Кратово: СИЛЕКС – ВОСКА СПОРТ 4-1
Додев 24′, Игнатов 66′, Алиќ 61′, Донев 79′ – Ларсон 73′
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
