Гостивар засилувајќи ги играчките редови за новата сезона во Првата македонска фудбалска лига потпишува договор со португалскиот интернационалец Алдаир Дјало Балде.
Се работи за 32-годишен дефанзивец, со потекло од Гвинеа Бусау, кој има богата интернационална кариера зад себе.
Алдаир, кој потекнува од фудбалската школа на португалски Пењафиел, а во Португалија има настапи и за Олхиненсе, Жил Висенте и Мадеира. Настапувал и за АЕЛ Лимасол во Кипар, како и за словенечка Олимпија, а последниве две години бил дел од турските Бодрум и Шанлурфаспор, од каде сега доаѓа во Гостивар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
