Гостивар продолжува со формирање на ростерот за наредната сезона, при што тренерот Србиновски и новата управа на клубот акцент ставаат врз млади и перспективни македонски кошаркари.
Така, гостиварци денеска и официјално потпишаа договори со Дамјан Робев и со Јетмир Зекири, кои беа дел од младинската репрезентација на Македонија, а во следната сезона ќе го носат дресот на новиот прволигаш. Двајцата кошаркари доаѓаат од таборот на Вардар, тим со кој ланската сезона не успеаја да обезбедат опстанок во елитното друштво.
Претходно, потпис со Гостивар стави и поранешниот репрезентативец Ивица Димчевски, а во преговори со овој прволигаш се наоѓа и искусниот центар Кирил Павловски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
