Градот Ливерпул му додели големо признание на тренерот на фудбалскиот клуб, Јирген Клоп со тоа што го прогласи за почесен граѓанин. 55-годишникот ова признание го добива во знак на почит за се што направи за клубот по доаѓањето во 2015 година.
Германецот е само вториот кој го добил ова признание по Нелсон Мандела, некогашниот претседател на Јужноафриканската Република кој се бореше против дискриминација и за ранса рамноправност.
„Никогаш во животот не помислев дека ќе се најдам во оваа ситуација. Ја сакам традицијата и ги сакам овие настани, но искрено не сакам да бидам во центарот. И покрај тоа морам да признаам дека уживав во се. Ви благодарам“, изјави Клоп по добивањето на наградата.
Во ерата на германскиот стратег клубот од „Енфилд“ освои шест големи трофеи: Лигата на Шампиони, Премиерлигата, УЕФА Суперкупот, ФИФА Светскиот куп, Карабао Купот и ФА Купот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
