Англискиот премиерлигаш Манчестер сити размислува и за иднината, па потпиша договор со младинскиот репрезентативец на Бразил, Даглас Луиз. Тој е играч за врска, член на репрезентацијата на Бразил до 20 години, и стави потпис за петгодишна верност со „граѓаните“, а најверојатно ќе замине на позајмица во шпанскиот клуб Џирона, каде треба да го стекне неопходното искуство за настап во Европа.
Даглас Луиз доаѓа од редовите на Васко де Гама, а трансферот изнесува околу 10 милиони фунти.
Претходно, Манчестер сити во своите редови ги ангажираше Бернардо Силва од Монако, голманот Едерсон од Бенфика, како и Кајл Вокер од Тотенхем.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
