Некои ликови дефинитивно се заглавени во историјата, но за жал го користат спортот за ширење на пропаганда каква што не доликува на сериозни функции. Еден од нив е грчкиот селектор Јоргос Заравинас, кој во најавата за дуелите со Македонија што ќе се играат в петок и в сабота ја нарече нашата земја Скопје.
Македонската експедиција се надева на фер и коректен третман од домаќините во Солун, но ставовите на селекторот фрлаат сериозен сомнеж…
„Оваа фаза од подготовките е многу важна за нас, бидејќи ова се подготовки за претстојниот европски шампионат. Ќе играме две официјални средби со Скопје, многу е важно за нас да се среќаваме со селекции кои во минатото редовно било дел од големите натпреварувања“, вели меѓу другото Заравинас во изјавата за официјалната веб-страница на Грчката Ракометна Федерација.
Тој во јануари треба да гостува со Грција на контролни средби во Скопје, а јасно е дека македонските навивачи нема да му го заборават ова…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
