25-годишниот лев бек Дејан Кукуловски е ново име во ГРК Охрид, соопшти клубот. Кукуловски потпиша едногодишен договор со клубот, и ќе биде уште едно засилување за овој тим во новата сезона 2024/25.
„Среќен сум што повторно се враќам во Македонија. Охрид прерасна во голем и амбициозен клуб. Верувам во овој тим и ќе дадам се од себе да помогнам за што подобар пласман во наредната сезона и се надевам заедно ќе имаме одлични резултати, изјави Кукуловски.
Во кариерата Кукуловски има настапувано за Вардар, Еурофарм Пелистер, а има и интернационално искуство настапувајќи во Брно од Чешка. Исто така го има носено дресот на сите младински и на сениорски категории на Македонија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
