Ракометарите на ГРК Тиквеш се пласираа во финалето на турнирот „Крсте Андоновски – Усташ“ откако вечерва во второто полуфинале во неизвесен меч славеа над домаќинот Охрид со 22-24.
Во првото полувреме одбраните доминираа на двете страни, па гостите од Кавадарци на пауза заминаа со предност од два гола 8-10. Во второто полувреме продолжи големата борба. Домаќините успеаја да го внесат мечот во неизвесна завршница израмнувајќи на 22-22. Сепак, со два гола во финишот Тиквеш успеа да стигне до победа и учество во финалето.
Кај победникот Хамзиќ заврши со пет гола, додека Темелкоски и Симиќ погодија по четири пати. Кај поразените Ончев и Бојаниќ завршија со по седум гола. Утре во финалето Тиквеш ќе игра против српски Партизан кој во првото полуфинале по изведување на пенали беше подобар од Тинекс Пролет.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
