Кошаркарската репрезентација на Грција ја победи селекцијата на Финска во натпреварот за третото место на Евробаскетот 2025 и го освои бронзениот медал на собирот на најдобрите на Стариот континент. Грците во страшно драматичен меч славеа со 92-89.
Грците во последниот период од играта имаа и 17 поени предност, но дозволија со аматерски однос на паркетот Финците на 5 секунди пред крајот да дојдат до три слободни фрлања при резултат 90-87, и за израмнување и продолжение на мечот.
Но, Јантунен од трите слободни фрлања погоди само две, а потоа скок на Грците и слободни фрлања за конечни 92-89.
Грција до медал ја предводеше брилијантниот Адетокумбо, додека Дорси и Толиопулос пружија одлична поддршка со прецизно шутирање однадвор.
Кај Финците, Марканен работеше само на крајот, но тоа не беше доволно за да се компензира лошиот почеток на натпреварот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
