Стојан Ѓуроски продолжува со одлични игри на стартот од својата шпанска авантура, откако македонскиот репрезентативец експресно се наметна како еден од лидерите на Хуеска. Овој клуб лани едвај избори опстанок, а сезонава по четири кола се наоѓа на чекор до врвот откако вечерва ја забележа и третата победа, и тоа на тешкото гостување во Билбао со 69-76.
Тимот на Билбао влезе во овој натпревар со перфектни 3-0, но немаше одговор за расположениот Ѓуроски, чии удари од далечина повторно им создаваа проблеми на противниците. Хуеска беше подобра во клучните моменти, добивајќи ја последната четвртина со 12-20 за конечен триумф.
Македонецот постигна 12 поени (3/6 за тројка, 1/2 за два поени, 1/2 од слободни фрлања), со што беше најефикасен во својот тим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
