Манчестер Сити попладнево од 17.30 часот му гостува на Борнмут во четвртфиналето од ФА-купот, во обид „граѓаните“ да стигнат до барем еден трофеј во оваа разочарувачка сезона за нив.
Пеп Гвардиола не крие дека е разочаран од резултатите на својот тим од стартот на сезонава, порачувајќи дека дури и кревање на пехарот во ФА Купот нема да ги избрише сите „лузни“ од последните месеци.
„Искрено, оваа сезона е бедна за нас, почнувајќи од мене и од мојата работа. Немаше црвен тепих од противниците, само жестока борба во која ние не се снајдовме најдобро. Моја работа како тренер беше да најдат решение, морав да го сторам тоа многу подобро отколку што тоа го направив. Секако дека би било одлично да стигнеме до финалето на ФА-купот, да победиме во него, но дури и ако тоа се случи, дури и ако се пласираме во ЛШ, јас ќе ја паметам оваа сезона како бедна за мене и за клубот. Нашите стандарди се поинакви, еден трофеј нема да го промени тоа“, истакна Гвардиола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
