Пеп Гвардиола и Манчестер Сити експресно го оставија зад себе разочарувачкиот пораз од Ливерпул и триумфираа во дерби-дуелот со Челси. До трите бода стигнаа исклучително тешко, па Гвардиола веднаш по мечот испрати низа комплименти на адреса на лондонскиот клуб.
„Челси е многу добар тим, тие се фантастични. Млада екипа, млад менаџер, игра многу убава за око… Тие се една од причините поради кои фудбалот е толку убава игра. Ова беше одличен натпревар против силен ривал. Челси поведе, тргна со сите сили напред за втор гол, но тогаш ние успеавме да погодиме преку Де Бруине. Потоа дадовме и втор гол, па промашивме уште неколку шанси, но за мене е најважно што цело време се боревме. Триумфот над овој ривал е многу важен за нас“ – изјави Гвардиола.
За квалитетот на Челси најдобра потврда е фактот дека за првпат откако Гвардиола е стратег на Сити, „граѓаните“ немаа поголем посед на топката во однос на противникот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
