Реал Мадрид се очекува да биде активен на трансфер маркетот престојното лето со ангажман на фудбалери за смена на една генерација, а во тој поглед високо на листата на желби се наоѓа стопер на Арсенал, Вилијам Салиба кој го потврди својот потенцијал со одличните настапи за премиерлигашкиот вицешампион.
Меѓутоа и покрај тоа што се чинеше дека следната дестинација на Салиба без сомнение ќе биде „Сантијаго Бернабеу“, перфектниот план на Флорентино Перез може лесно да го расипе Пеп Гвардиола.
И шпанскиот стратег на Манчестер Сити има големо позитивно мислење за францускиот стопер па и „граѓаните“ се очекува да се вклучат во преговорите за трансфер.
Со оглед на тоа што Арсенал и Манчестер Сити се големи ривали последните години се намалува можноста за реализација на трансферот, но според англиските медиуми Салиба преферира да остане на „Островот“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
