Манчестер Сити скапо ја плати победата во четвртфиналето од ФА Купот против Борнмут, по повредата што во второто полувреме ја заработи најдобриот стрелец на „граѓаните“, Ерлинг Халанд.
Норвежанецот поради болка во зглобот мораше да биде заменет, а Пеп Гвардиола денеска потврди дека повредата не е нималку наивна, па неизвесно е дали Халанд воопшто ќе може да се врати на терените до крајот на оваа натпреварувачка сезона.
„Повредата на Халанд е сериозна. Од она што ми го кажаа лекарите, паузата ќе изнесува најмалку пет седмици, а може да биде и уште подолга. Прашање е дали Ерлинг ќе може да се врати до крајот на сезонава, јас се надевам дека тој ќе биде „фит“ барем за клупскиот мундијал во месец јуни“, изјави Гвардиола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
