Манчестер Сити го одбрани трофејот во Карабао куп, но тимот во наредните неколку седмици ќе биде десеткуван. Менаџерот Пеп Гвардиола е разочаран што „граѓаните“ мораа да дадат голема „жртва“ за да го освојат пехарот во Лига купот на Англија. Се повредија Фернандињо и Ејмерик Лапорт.
„Го плаќаме данокот на учество во четири натпреварувања. Ќе бидеме без Фернандињо и без Лапорт неколку седмици. Триумфот во Лига купот е добар за мотивација за следните мечеви. Но, ќе имаме големи проблеми со повредите“, изјави Гвардиола.
Централниот дефанзивец Џон Стоунс и левиот бек Бенјамин Менди подолг период се надвор од конкуренција поради повреди, а на реванш мечот против Шалке во осминафиналето на ЛШ нема да настапи и Николас Отаменди поради суспензија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
