Арсенал денеска славеше против Манчестер Сити во финалниот меч во „Комјунити Шилд“ после изведувањето на пеналите. Со тоа му „украде“ еден трофеј на Сити и тоа пред самиот почеток на Премиерлигата.
Тренерот на шампионот Пеп Гвардиола, не искажа разочараност по поразот, напротив, навести дека може да остане во Сити уште долго, и дека сезонава имаат цел да ги одбранат сите титули.
„Микел го донесе Арсенал во позиција да се борат за трофеи, а засилувањето како Рајс ги подигна на повисоко ниво. Предизвикот оваа сезона е поголем, затоа што многу клубови ќе се борат за трофејот во Премиерлигата. Не може да се освои повеќе од она кое ние го освоивме минатата сезона, тоа е невозможно“, рече Гвардиола и додаде:
„Тука се чувствувам спокојно, задоволен сум, и тоа нема да се промени без разлика дали ќе освоиме нешто или не. Среќен сум и луѓето во Сити се среќни, а тие одлучуваат кој тренер ќе ги води. Ако се тие задоволни и јас сум. Сакам да го одбраниме сето она кое го освовиме минатата сезона“, кажа тренерот на Сити.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
