Тренерот на Манчестер Сити, Пеп Гвардиола инсистираше да се извлечат позитивни заклучоци од поразот од Ал Хилал.
Тимот од Ријад ги елиминираше „граѓаните“ во осминафиналето на Светското клупско првенство по продолженија (4-3), со што го направи едно од најголемите изненадувања на турнирот.
„Видов многу добри работи што ги немав видено досега, особено во односот меѓу играчите и стручниот штаб. Овде добро се забавувавме, игрите беа добри, а нивото на игра беше високо“, изјави Гвардиола.
Потоа објасни каде тргнало се наопаку.
„Во оваа фаза сите натпревари се тешки. Му дозволивме на ривалот да помине понатаму, но создадовме многу и генерално бевме добри. Не можам доволно да му се заблагодарам на мојот тим за тоа колку добро тренираа и се подготвија. Дадоа се од себе“, заклучи Гвардиола.
Во четврт-финалето Ал Хилал ќе игра против Флуминенсе, кој претходно така неочекувано го исфрли Интер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
