Англискиот премиерлигаш Манчестер сити игра одлично во Лигата на шампионите оваа сезона. Со триумфот над Наполи (2-4) во Неапол, успеа да се пласира во осминафиналето, а менаџерот Пеп Гвардиола е воодушевен од изданието на своите фудбалери.
„Да се победи Наполи двапати за две седмици е нешто неверојатно. Сега го сторивме тоа пред фантастична публика. Наполи има одличен тим и фантастичен тренер. Најмногу од се ме радува што успеавме да се вратиме во мечот, иако во првите триесетина минути не ’масакрираа’. Но, имавме одлична реакција по ова, и на крајот заслужено славевме. Среќен сум што се пласиравме во нокаут фазата, сега можеме да се насочиме многу посериозно кон искушенијата во Премиер – лигата“, изјави Пеп Гвардиола по синоќешниот триумф над Наполи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
